Mobile & Computers

New Smartphone Buy Karne Ki Complete Guide in Hindi

Aaj ke dour me phone hona har kisi k pass aam si baat hoti hai. Ya fir yeh keh lijiye ki phone humare liye ek jaruri sa upkaran bann gya hai. Apne jeevan me jine k liye Baccho se lekar baddhe budho tak har kisi k pass phone hona jaruri hai. Toh agar aap bhi apne budget me ek phone kharidne ki soch rahe he toh aap k liye yeh janna behad jaruri hai ki phone kis tarike se kharida jaye. Jisse aap ko paiso ki barabadi na ho paye ya fir ek naya phone lete samay paise kaise bachaye.

A Complete Hindi Guide to Purchase a New Smartphone

Toh doston chaliye aaj hum aap ko batate he k phone kharidate samay paise kis prakar se bachaye jaaye.

1. Apna Budget Tayar  Kare

Sabse pehle phone kharidne k liye apna budget sunischit kare, ki aap phone kharidne ke liye kitne rupay pay kar sakte hain. Jab aapke phone lene ka budget tay ho jaye toh uss budget me phone kharidne k liye online aur offline jitni b jaankari he use hasil kare. Like kaun se phone us time jyada popular hain.

2. Mobile Phone kaisa Kharide

Naya phone kharidne se pehle ye decide kare ki Aap ko kis company ka phone lena pasand karenge. Agar aap ko phone ki companies sunischit karne me dikkat aati hai. Toh janiye ki aap k phone me aap ko kin kin features ki avashyakata hai. Jaise dual sim, selfie mode, ROM, RAM, Camera, Pixel aadi features jinka aapko upyog karna ho. Saath hi aap kop hoe ki jarurat kis hisab se he ek normal upyog karne k liye ya fir official work ya fir kisi aur tarike se use kare k liye.

Jab aapke phone ki banavat aur features select kar le to uske baad sabse pehle online Ads ya online website dekhe. Jo sabhi prakar ki companiyo ka phone bechati ho. Example k tour Amazon, Flipkart etc. companies hain jo sabhi company ki phone bechti hain.

Aap ko jis company par jyada vishwas he uss company k phone ki jankari hasil kare. Jaise ki market me uss phone ki kya demand hai sath hi yeh bhi janana jaruri hai ki logo ka uss company aur uss product par bharosa kaisa hai. Aur kitne log aap ko us company ka phone kharidne ki salah dete hain. Har company ke phone ko use karne wale users ka opinion aapke bahut kaam aa sakta hai.

3. E-Commerce website par Phone Price ko Compare Kare

Jab aap ke pone aur company ka selection ho jaye toh uske baad uske Price aur quality ko kayi saari E-Commerce website par compare kare.

Compare Before Buy

Jaise ki Ebay, Amazon, Flipkart jaisi site par compare kare. Ye jaruri nahi hai ki har Ecommerce website par ek company ka phone ek hi daam ka ho, To isiliye aapke dwara select kiya gya phone ke rate ko janane k liye sabhi onlie website par check kare.

4. Offline ki bajaye Online kharide

Agar aap online mobile kharidte hai toh aap apne sheher ki kisi b mobile dukan se jyada sasta phone aap online online kharid sakte hai.

Maan lo agar mujhe koi best smartphone under 10000 lena ho toh mujhe local dukan me saare phone dekhne ka mouka nahi milega.

Sabhi phones ko compare karke unme se ek choose karna b local/offline stores me mushkil hota he. Online phone kharidte waqt aap fursat se saare phones aur features compare kar sakte he. Online shopping ka yeh sabse badhiya fayda he.

5. Offers Par dhyan de:

Online phone kharidne se aap ko behetarin offers mil jaate hain. Jaise ki jab aap kisi dukan par, offline phone kharidne jaate hain to shayad hi aap ko kuchh discout ya offer diya jata hai. Lekin jab aap yahi phone online kharidte hain to alag alag Ecommerce website kuch offers available rahte hain.

Jis par ek same version, aap ka pasandida company wale phone par 30% discount deti hai ya fir wo Ecommerce website utana hi budget wale phone par apna kuch alag product ka offer free rakhti hai. To iss se b aap ko kafi fayda milta hai. Isme ek tarah bina paise kharch kiye aap k pass ek extra cheez aur mil jati hai.

6. Coupon Codes Ka instemaal Kare:

Aap ne jis mobile ki kimat dekhi hai agar aap usey aur bhi saasta karna chahte hain. To Aap ko coupon code ki madad leni hogi. Ji ha coupon code ka bhi ek aisa option he jisse aapke mobile ka daam kam kiya ja sakta hai. Ye coupon code kaha milega yeh bhi janna aap ke liye behad jaruri hai. Coupon code bhi batane wali kayi saari website hoti hain. Jaise Copounwaale etc.

use promo codes

Jisme alag alag company ki products k liye coupon diye jate hain. Jise Promo codes bhi kaha jata hai. Wo coupon code aap waha se copy kar sakte ho. Jab aap kisi b E-commerce website se phone kharidege to uske process me apna Offer ya Coupon Code daal kar phone ko sasta kare iss prakar se aap ka phone kuch sata ho jayega aur apke kuch paise bachenge.

7. Kisi Special Day par Phone kharide:

Aksar aap ne dekha hoga ki aur din k bajaye special day par companies naye naye offers deti hain sath hi gift voucher bhi deti hai. Jaise ki Holi, Diwali, Eid, 26 January, Rakhabandhan etc. dino companiya apni products k rate sasta kar deti hain. Isliye aise special day par phone kharidna best rahega.

Toh agar aap ko mobile phone kharidne me koi jaldi nahi hai. Aur in special day pe kharidenge To aap ki kaafi bachat hogi. Kai companiya tyoharo par apne Customers se achcha Relations banane ke liye same rate par ek phone par dusra koi sasta phone free kr dete hain. Ya fir exchange offers b dilate hain, Jisme aap apna purana phone dekar naya phone le sakte hain. Agar Aap free smartphone chahte to Aap Giveaway khelke bhi ise win kar sakte hai.

About Guest Author: Ye post Rahul Devkar ne likha hai jo alag alag topics pe Content likhte hain aur OnlineHindiGuide k regular reader hain. 

Final Words:

To Friends ye thi naya phone kharidne ki complete jankari. I hope apko ye post pasand ayegi. Agar apko ye post pasand aye to apne friends ke sath social media par jarur share kare. Aur agar is post se related apka koi sawal hai to aap puch sakte ho.

About the author

Haidar Raza khan

Hello My Name is Haidar Khan and I am the founder of OnlineHindiGuide Here on this blog I write about Blogging, SEO, Internet Tricks, Social Networking Site, Make Money Online And WordPress.

1 Comment

Leave a Comment

0 Shares
Share
+1
Tweet