Internet Mobile & Computers

(Not Working) Reliance Jio Free 4G Feature Phone Ki Complete Jankari

Toh Dosto jaisa ki aap log jaante honge pichhle hafte Reliance ne apna 4G Jio Phone (Jio mobile phone 1000) launch kiya aur tabhi se yeh phone breaking news me chha gya hai, toh aaj hum aap ko batayenge ki akhir ye phone me aisa kya hai jiske wajah se iss phone ko itna importance diya ja aha hai.

Reliance Jio

Pichhle saal jab Reliance Chairman Mukesh Ambani ne JIO sim ki ghoshna ki tab koi nahi janta tha ki JIO itna popular hoga. Aaj hum sab ko ye manna padega k humare desh me bahot saare logo ne internet browse karna chalu kiya hai aur woh iska istemaal apni rozana zindagi me bhi karte hai. Iska saara shrey Reliance Jio ko diya jaata hai.

Reliance 4G Jio Phone

jio mobile phone 1000

Pichhle hafte huyi ek meeting me Reliance ne JIO se judi bahot saari nayi ghoshnaye ki jisme se sabse jyada important – Reliance 4g Jio Phone ki ghoshna thi. Mana ja aha hai Reliance JIO sim ki tarah Reliance JIO phone bhi bharatiy janta ko ek adbhut anubhav dega.

Aisa kya hai iss phone me? Features of jio mobile phone 1000

  • 4G–Reliance JIO 4G Phone JIO k sim ko support karega jo 4G hai jisse aap 4G seva ka laabh utha sakte hai.
  • JIO Apps – Agar aap JIO use karte hai toh aap yeh jante hi honge ki JIO sim k sath use hone waale JIO apps kitne important hai. JIO Phone me ye saare apps pehle se rahainge jisse aap alag alag seva ka laabh utha sakte hai.

Ye apps use karke aap songs sun sakte hai ya videos dekh sakte hai. Kaha ja raha hai ki JIO k iss phone ko ek cable ki madad se TV se bhi connect kiya ja sakta hai aur sabhi videos aap TV pe bhi dekh sakte hai. Ye dekhna kaafi interesting hoga k JIO ka ye phone Bharatiy logo ki entertainment ki paribhasha kaise badlta hai.

  • Voice Command – JIO Phone ki ek aur khasiyat hai – iska voice command. Voice command matlab aap apne awaz se apne JIO phone se kisi ko call kar sakte hai ya message kar sakte hai. Aisi technology ab tak sirf mehainge smartphones me milti hai. Reliance JIO k saath ab ye technology kam daam me aam aadmi bhi use kar payega.
  • Link to Bank Account– Future ki jarurat ko nazar me rakhte hue Reliance JIO phone me financial vyavaharo k liye support kiya jayega jiske hote aap apne Credit ya Debit card ko apne phone se link kar sakte hai. Isse aap ko future me online transaction karte waqt aasani hogi.
  • SIM Card Slot – Iss phone me baki phone ki tarah Dual sim card slot hai jisse aap do sim cards ka istemaal kar sakte hai.
  • Memory Card Slot– Phone ki memory badhane k liye isme memory card slot diya gya hai.
  • Bharatiy Bhasha Support – Yeh phone Bharatiy janta ko dhyaan me rakh k banaya gya hai, jis wajah se isme 22 Bharatiy Bhasha ko support diya gya hai.

JIO Phone me kya nahi hai?

Baki phones jaise ki Samsung, Sony, MI,Iphone ye phone alag alag platform pe chalte hai jaise ki Android ya iOS (Jo I Phone me use hota hai) jiske wajah se aise phone pe bahot saare apps use kiye ja sakte hai.

Reliance JIO me yeh platform na hone k karan Whats App jaise famous apps isme abhi supported nahi hai.

Price aur Plans

Reliance JIO Phone har mamle me logo ko chauka raha hai. Reliance JIO phone sirf Rs.1500 ke security deposit pe milega. Yeh security deposit 3 saal baad aap ko phone return karne par diya jayega. Ise ‘Effectively Free’ bhi kaha jaata hai.

Reliance JIO phone ke recharge plans bhi JIO se milte julte hi hai.

Rs. 153 Unlimited 4G data (F.U.P. Daily limit 500MB) | Calls and SMS free | Validity- 1 month

Reliance JIO ki taraf se chhote recharge bhi diye jayenge.

Rs.24 (Validity – 2 Days) and Rs.24 (Validity – 7 Days)

Jio 1000 rs phone booking?

Jio Mobile Online Booking: JIO phone ko pehle apne JIO app se ya fir nazdiki JIO showroom pe jake book karna padega. Reliance JIO Phone ki testing khatam hone k baad (15 August- Beta Testing) , 24 August se yeh phone Pre-booking k liye available ho jayega.

Ye phone ki selling September se shuru hogi. Toh agar aap ye phone lena chahte hai toh 24 August ke baad jald se jald yeh phone pre-book kar lijiye aur September tak aap ko aap ka Reliance JIO Phone mil jayega.

About the author

Haidar Raza khan

Hello My Name is Haidar Khan and I am the founder of OnlineHindiGuide Here on this blog I write about Blogging, SEO, Internet Tricks, Social Networking Site, Make Money Online And WordPress.

Leave a Comment

0 Shares
Share
+1
Tweet