Beauty Tips

Baalo (Hairs) Ko Kala Ghana Aur Mulayam Kaise Kare Garelu Upaye

Baalo ko Mulayam Ghana aur Majboot Kaise Banaye: Chahe mard ho yaa aurat har kisi ki chahat hoti hai ki uske baal kale, ghane aur sundar ho. lekin poshak tatavo ki kami aur sahi dhiyan na rakhne ke karan baal kamzor ho jate hai. Aur jhadne lagte hai sath hi kai log baalo ke rukhepan se bhi khaas pareshan hote hai. Isliye aapke balo ko sundar, ghane aur chamakdar banane ke liye hum laye hai kuch gharelu upaye. Jinke zariye aapke baalo ko bharpur poshan aur takat milegi aur aapke baal hamesha swasth rahenge.

Baalo ko kala, ghana aur mulayan banane ke gharelu upaye

  • Ande ke paste me dahi mila kar ise baalo me conditioner ki tarha lagaye isse aapke baal strong banege.
  • Har teen din me baalo ki gungune sarso ke tel se malish kare isse balo ko nutrients milte hai aur sir ke khoon ka prabhav sahi rehta hai.
  • Pise hue methi ke daano ka paste bana kar balo par lagane se balo ki rusi (dandruff) khatam hota hai.
  • Nariyal ke tel me kuch boonde nimboo ke ras ki dal kar balo ki jado tak malish kare isse bhi rusi khatam hoti hai.
  • Baalo ka rukhapan dur karne ke liye surajmukhi ke tel se balo ki jado tak malish kare.
  • Balo ko saaf rakhne ke liye har 4-5 din me chawal yaa besan ke aate se balo ko dhoye.
  • Arandi ka tel lagane se baal lambe bane rehte hai aur tootte nhi hai iske niyamit istemal se aapke baal ugne bhi lagenge jisse aapke ghane ho jayenge.
  • Balo par chemical yukt sabun aur shampoo ka prayog na kare.

Balo ko kala karne ke aayurvedic gharelu nuskhe in hindi

Baal karne ke kuch upyogi gharelu upaye : Home Remedies for long and balck hairs in Hindi.

Kali mirch ka prayog (Use Black Paper)

Aayurved ke anusar balo ko kala karne ke liye kali mirch bahut labh kari hoti hai kali mirch ko uble hue pani me dal kar thodi der ke liye rakh de. Ab pani thanda hone ke baad iss pani ko apne balo par upar se daal le. Kuch samay tak aisa niyamit karne se aapke baal kale hone lagenge.

Aloevera

Aloevera bhi balo ko kala karne ke liye kafi upyogi saabit hota hai. Aloevera ke gel ko ek katori me nikal le aur isme nimboo ki kuch boonde daal de. Ab ise apne balo ki jado se lekar sire tak laga le iske niyamit istemal se aapke baal jhadna band ho jayega aur baal kale hone lagenge.

Aavla ka prayog

Aavla sehat ke liye jitna labh kari hai utna hi balo ke liye bhi hai. Iska niyamit sevan se balo ko zaroori poshak tatv milte hai aur unme majbooti aati hai. Sukhe aavle ka powder banaye aur usme mehandi aur pani mila kar ghol taiyar kare. Ab is ghol ko apne pure balo par lagaye aisa niyamit karne se aapke baal kale hona shuru ho kayenge.

Deshi gaaye ke ghee ka istemal

Aapko shayad hi pata hoga ki gaaye ka ghee bhi balo ko kala karne me kafi sahayak hota hai. Balo par deshi gaaye ke ghee ki maalish karne se safed baal bhi dheere-dheere kale ho jate hai. Week me 1 baar ghee ki malish zaroor kare.

Dahi

Dahi ko aayurved aur science dono me hi kafi fayede mand mana jata hai. Balo par dahi ki malish karne se balo ko zaroori poshak tatav milte hai aur woh kale aur ghane ho jate hai. Dahi ko mehndi ke sath mila kar paste banaye ise balo par lagaye kuch din me aapko fark nazar aane lagega.

Kaccha doodh

Kaccha doodh balo ke liye kafi fayede mand mana jata hai. Ise bhi balo par lagane se upyukt poshak tatav milte hai jisse baal jado se majboot hote hai baal jhadne ki samasya khatam ho jati hai.

Kari ke patte

Prachin samay me balo ko kala karne ke liye kari ke patto ka kafi istemal hota tha. ek tub me pani lekar kari ke patto ko daal de kuch ghanto ke baad is pani se apne balo ko dho le. aisa roz karne se kuch hi dino me aapko fark dikhayi dene lagega.

Baalo ko ghana banane ke Gharelu Upaye: Upar diye gaye upayo ko apna kar aap apne balo ko kala, mulayam aur ghana kar sakte hai. lekin iske liye aapko dhairya rakhne ki aavashyakta hogi. Kyuki Koi bhi upaye turant fayeda nhi karta chahe woh chemical upaye hi kyu na ho.

Isliye dhaurya rakhe aur upar diye upaye ko niyamit apnaye. Bhojan me poshak tatvo ki kami ke karan bhi baal safed hone lagte hai aur girne bhi lagte hai. Isliye apne bhojan me poshak tatavo se yukt padartho ko shamil kare jaise hari sabjiyan aur fal.

About the author

Yasir Khan Saqlaini

Leave a Comment

0 Shares
Share
+1
Tweet